ABŞ Ordusu üçün qumbaraatandan buraxılan PUA yaradılıb

ABŞ Ordusunun Tədqiqat Laboratoriyasının mütəxəssisləri 40 mm-lik qumbaraatandan atılan dron hazırlayıblar.

“AzeriDefence”nin ABŞ Ordusunun media mərkəzinə istinadən verdiyi məlumata görə, mart ayında yeni dron üçün patent alınıb.

Qumbaraatandan Buraxılan PUA-nın (Grenade Launched Unmanned Aerial System –GLUAS) iki variantı var. Bunlardan biri kiçik ölçülərə sahib, paraşütlü PUA, digəri isə helikopter dizaynına malik PUA-dır.

Havada 90 dəqiqə qalan GLUAS-ın uçuş radiusu 2 km, uçuş tavanı 2000 fut təşkil edəcək. Atışdan sonra dron coystik və əl terminalı vasitəsi ilə idarə olunacaq. Mütəxəssislər hesab edirlər ki, bu texnologiyanın istifadə ediləcəyi çox ssenarilər mövcuddur.