ABŞ və Fransa İraqa artilleriya qurğuları tədarük edəcək

İraq Müdafiə Nazirliyi Silahlı Qüvvələrin artilleriya qurğularına və qabaqcıl silahlara olan ehtiyaclarını qarşılamaq üçün ABŞ və Fransa ilə müqavilələr bağlayıb.

“Poliqon” İraq mediasına istinadən xəbər verir ki, sifariş edilən hərbi texnika və silahların sayı, növü, onların maddi dəyəri və digər təfərrüatlar açıqlanmayıb.

Qeyd edək ki, hazırda İraq Quru Qoşunlarının silahlanmasında yer alan əsas artilleriya qurğuları ABŞ tərəfindən təchiz edilmiş M198 yedəkdə daşınan haubitsalar və M109 tırtıllı özüyeriyən haubitsalardır.

Hərbi ekspertlər yeni alınacaq artilleriya qurğularının Fransanın “Nexter” şirkətinin 155 mm-lik “Sezar” və ABŞ-ın M109A6 “Paladin” özüyeriyən haubitsalar olacağı qənaətindədir.

Rizvan Fikrətoğlu

Poliqon.az