Bakıda sentyabr ayının sonunda keçiriləcək ADEX -2016 beynəlxalq müdafiə sərgisi çərçivəsində bir neçə mühüm layihələr üzrə sənədlərin imzalanması gözlənilir.
“AzeriDefence”nin məlumatına görə Azərbaycan Silahlı Qüvvələri və hərbi sənayesi üçün önəm kəsb edən bu anlaşmalar regional təhlükəsizlik baxımdan da böyük əhəmiyyətə malikdir.
Müqavilələrlə yeni texnologiyaların və müasir, yüksək dəqiqlikli sistemlərin Azərbaycana gətirilməsi, eləcə də Azərbaycan Silahlı Qüvvələrinin arsenalının daha da gücləndirilməsi həyata keçiriləcək.
