Adı açıqlanmayan müştərinin dəniz platformaları ASELSAN sistemləri ilə təchiz olunacaq

Türkiyənin ASELSAN şirkəti Sakit Okean regionundakı adı açıqlanmayan müştərinin dəniz platformaları üçün radar, silah, hava hücumundan müdafiə və data link sistemləri tədarük edəcək.

“Poliqon” xəbər verir ki, bu barədə ASELSAN şirkətinin İctimaiyyəti Məlumatlandırma Platformasına (KAP) təqdim edilən məlumatında bildirilib.

Qeyd olunub ki, bununla bağlı şirkət ümumi dəyəri 52.7 milyon ABŞ dolları olan ixrac müqavilələri imzalayıb.