“Azərkosmos” və “Türksat” arasında Anlaşma Memorandumu imzalanıb

Azərbaycan Kosmik Agentliyi (“Azərkosmos”) və Türkiyənin aparıcı peyk telekommunikasiya şirkəti “Türksat” arasında Anlaşma Memorandumu imzalanıb.

“Azərkosmos”dan “Poliqon”a verilən məlumata görə, sənəd hər iki tərəf arasında peyk telekommunikasiya sahəsində qarşılıqlı faydalı əməkdaşlığın inkişaf etdirilməsinə və bilik, bacarıq və təcrübə mübadiləsinə xidmət edir.

Eyni zamanda, imzalanmış sənəd əsasında peyk xidmətləri ilə bağlı regional və beynəlxalq qanunların tənzimlənməsi, radiotezliklərin düzgün idarə olunması, coğrafi informasiya sistemləri xidmətləri, kosmik texnologiyalar, kosmik layihələrin idarə edilməsi və digər mövzular üzrə ikitərəfli məsləhətləşmələrin aparılması nəzərdə tutulub.