AzTU-nun iki komandası dünyanın ən böyük robot festivalının qalibi olub
Azərbaycan Texniki Universitetinin (AzTU) komandaları 20-21 aprel tarixlərində dünyanın ən böyük robot festivalı olan “Robotex”in Türkiyənin Antalya şəhərində keçirilən yarımfinal mərhələsində möhtəşəm uğura imza atıb.
AzTU-nun mətbuat xidmətindən “Poliqon”a verilən məlumata görə, Azərbaycan Texniki Universitetinin yarışmada iştirak edən 2 komandasının hər biri qalib olub.
Belə ki, AzTU-nun doktorantları Türkanə Qəhrəmanlı və Xumarə Qəhrəmanlının komandaları “Water rally” və “Girls’ Firefighting” kateqoriyaları üzrə universitet səviyyəsində olan yarışmada I yerə layiq görülüb.
Qeyd edək ki, Estoniyada əsası qoyulan “Robotex” festivalı dünyanın ən böyük robot yarışması hesab edilir.
AzTU-nun rektoru Vilayət Vəliyev qaliblərlə görüşüb, onlara gələcək yarışlarda uğurlar arzulayıb.