Baş Qərargah rəisi dəniz piyadalarının təkmilləşdirilməsi ilə bağlı göstərişlər verib

Azərbaycan müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev cari ilin yay aylarında Xəzər dənizinin Azərbaycana məxsus sektorunda keçiriləcək təlimlərə hazırlıqla bağlı göstərişlər verib.

“Poliqon”un məlumatına görə, general-polkovnik Kərim Vəliyev bu gün keçirilən xidməti müşavirədə həmçinin dəniz piyadalarının seçilməsinə, onların bilik və bacarıqlarının təkmilləşdirilməsinə xüsusi diqqət yetirilməsi və digər məsələlərlə bağlı müvafiq göstərişlər verib.