“Bayraktar KIZILELMA” pilotsuz döyüş təyyarəsi “Gökdoğan” raketi ilə uçub
Türkiyənin “Baykar” şirkəti tərəfindən hazırlanan “Bayraktar KIZILELMA” pilotsuz döyüş təyyarəsi (PDT) “hava-hava” tipli “Gökdoğan” raketi ilə uçuş edib.
“Poliqon” “Baykar”a istinadən xəbər verir ki, sınaq zamanı çox sayda manevr edən “Bayraktar KIZILELMA” PDT, “Gökdoğan” raketi ilə həyata keçirdiyi uçuş testini uğurla tamamlayıb.
Bildirilib ki, növbəti mərhələdə icra ediləcək atış sınağından sonra “Bayraktar KIZILELMA”, “hava-hava” zərbə qabiliyyəti də qazanacaq. PDT-nin 2026-cı ilin ilk rübündə Türkiyə Silahlı Qüvvələrinin inventarına daxil edilməsi planlaşdırılır.
Türkiyənin TÜBİTAK SAGE mərkəzi tərəfindən yerli və milli şəkildə istehsal olunan “Gökdoğan” “hava-hava” raketi bərk yanacaqlı mühərrikə, 65+ km mənzilə və aktiv radar axtarıcı başlığa malikdir.
