Böyük Britaniya Ordusu kabriolet-zirehli avtomobilləri alacaq

“Babcock” (“Babcock International Group”) şirkəti, Böyük Britaniya Ordusu üçün yüksək mobilliyə malik “Jackal 3” (“Çaqqal”, High Mobility Transporter – HMT) açıq banlı nəqliyyat vasitələrinin istehsalına dair müqavilə alıb.

“Poliqon” “Army Recognition” nəşrinə istinadən xəbər verir ki, hərbçilər 6×6 təkər formullu “Jackal 3(E)” (“Extenda”) versiyasında 53 ədəd “kabriolet-zirehli avtomobili” alacaqlar.

Maşınların istehsalı 2025-ci ilin əvvəlində başlayacaq və 2026-cı ilin əvvəlində ilk maşınlar orduya təhvil veriləcək.

“Jackal 3” kabriolet-zirehli avtomobili 2010-cu ildə orduya verilməyə başlanan “Jackal 2” avtomobilinin bazasında hazırlanıb. Avtomobil yolsuzluq şəraitində saatda 120 kilometrə qədər sürət yığmağa qadirdir. Maşının silahlanmasına pulemyotlar və avtomatik qumbaraatanlar daxildir.

Bu model, sübut edilmiş döyüş xüsusiyyətləri ilə geniş şəkildə tanınan orijinal avtomobilin müstəsna mobilkik qabiliyyətini saxlamaqla artan yük tutumu təklif etmək üçün təyin edilib. Əfqanıstanda kritik tapşırıqlarda fəaliyyət göstərən “Jackal” Böyük Britaniya Ordusunun kəşfiyyat, patrul və logistika əməliyyatlarında əsas aktiv olub.

Cari ilin fevral ayında məlum olmuşdur ki, “Babcock” və “Supacat” şirkətləri “Jackal 3” zirehli transportyorunun istehsalına başlayıblar. Maşını istehsal etmək üçün onlar “Babcock” sahəsində yeni müəssisə açıblar. Ümumilikdə 70 ədəd döyüş maşınının istehsal olunması planlaşdırılır.

Bu yeni müqavilə Böyük Britaniyanın “Quru Sənayesi Strategiyası” (“UK’s Land Industrial Strategy”) çərçivəsində cari ilin əvvəlində başlayan və yerli iqtisadiyyatı gücləndirməklə Böyük Britaniya Ordusunu dəstəkləmək məqsədi daşıyan 70 ədəd “Jackal 3” zirehli avtomobillərinin daha əvvəl başlamış istehsalının davamıdır.

Qeyd olunur ki, “Jackal 3” zirehli avtomobillərinin buraxılışı üçün “Babcock” meydançasında 62 avtomobilin yığılacağı yeni müəssisə işə salınıb. “Supacat” şirkətinin istehsalat müəssisələrində isə daha səkkiz daşıyıcı yığılacaq.

Qeyd edildiyi kimi, zirehli avtomobil 2010-cu ildə orduya tədarük edilməyə başlanmış “Jackal 2” zirehli kəşfiyyat-patrul maşınının sonrakı inkişafıdır. “Jackal 3” heyətin təkmilləşdirilmiş mühafizəsi və artan yük qabiliyyətinə malikdir. İnkişafda 4×4 təkər formullu avtomobil ikiqat yükgötürmə qabiliyyətinə malik üç oxlu avtomobilə çevirilir.

Dərin kəşfiyyat missiyaları, sürətli hücumlar və konvoy mühafizəsi əməliyyatları həyata keçirməyə qadir olan “Jackal 3(E)” zirehli avtomobiki Böyük Britaniya Ordusunun əməliyyat dairəsini daha da genişləndirir. Bu təkmilləşdirilmiş variant müasir münaqişələrin tələblərinə cavab vermək üçün vacib olan artan çeviklik təklif edir.

Yüksək hərəkət qabiliyyəti və modul imkanları ilə “Jackal 3(E)” müasir hərbi əməliyyatların artan tələblərinə uyğunlaşa bilən Böyük Britaniya Ordusu üçün əvəzolunmaz aktivə çevrilir.

İstehsalçının bildirməsinə görə, “Jackal” və ya MWMIK (Mobility Weapon-Mounted Installation Kit) zirehli kəşfiyyat-dozor maşınıdır (ZKDM). Maşın 2015-ci ilin sentyabrında rebrendinq edərək “SC Group”-a çevrilən “Supacat” şirkəti tərəfindən yaradılıb və hazırlanıb.

“Jackal” ZKDM-in əsas vəzifəsi bölmələrin hərəkətliliyinin, sürətinin və manevr qabiliyyətinin prioritet olduğu vəziyyətlərdə kəşfiyyat-dozor fəaliyyəti və atəş dəstəyidir.

İnkişafın başlanğıcında Böyük Britaniya Müdafiə Nazirliyi tərəfindən verilən texniki şərtlərə görə, “Jackal” ZKDM mobil, yaxşı silahlanmış kəşfiyyat patrul maşını olmalı idi.

ZKDM atış zamanı sabitliyi artırmaq üçün tənzimlənən pnevmatik asqıya malikdir. Asqı klirensi 380 mm-ə qədər artırmağa imkan verir. Avtomobili hazırlayarkən konstruktorlar onun maksimal hərəkət qabiliyyətinə, keçidlik qabiliyyətinə və müşahidə imkanlarına diqqət yetiriblər.

Şassi “Universal Engineering”, 5,9 kumsm-lik 185 at gücünə (134 kVt) malik ISBe Euro3 mühərriki “Cummins” və transmissiyası “Allison” şirkətləri tərəfindən hazırlanıb. Asqı və amortizatorlar “Fox Racing Shox” şirkətinin istehsalıdır. Elektron təchizat “Fujitsu” və “Smartgauge Electronics” şirkətlərinindir. Zireh “Jankel Armouring” şirkəti tərəfindən yaradılıb və hazırlanıb. “Jackal” pulemyotlar və avtomatik qumbaraatanlarla silahlana bilər.

Avtomobilin yolsuzluq şəraitində sürəti 79 km/saata, magistral yolda isə 130 km/saata qədərdir.

“Jackal” zirehli avtomobili “Jackal 3” variantından başqa “Jackal 2” və “Coyote Tactical Support” versiyalarında da hazırlanıb.

“Jackal 2” variantı

“Jackal” zirehli avtomobilinin yenilənmiş versiyası “Jackal 2” kimi sifariş edilib. Heyət dörd nəfərə qədər artırılıb və əsas silah halqası ona dairəvi atəş qövsü vermək üçün irəli uzanır.

Şassi modernləşdirilərək avtomobilə daha böyük faydalı yük, zireh daşımağa imkan verir və yol kənarındakı bombalardan və tank əleyhinə minalardan qorunmaq üçün daha çox güc təmin edir.

O, həmçinin daha böyük 6,7 litrlik mühərrikə malikdir, baxmayaraq ki, bu, avtomobilin sürətini artırmır. ~110 ədəd zirehli avtomobil üçün ilkin sifariş 2009-cu ildə edilib və son tədarüklər 2010-cu ilin fevralında başa çatdırılıb.

Növbəti 140 ədəd “Jackal 2A” üçün sifariş 23 iyun 2010-cu ildə elan edilib. O, partlayışa qarşı təkmilləşdirmə ilə “Jackal 2” zirehli avtomobikinin platformasına əsaslanır.

“Coyote Tactical Support” variantı

“Coyote Tactical Support” zirehli avtomobilləri orta dərəcəli yük maşınları, artilleriya dartıcıları və bir sıra digər platforma variantları üçün 70-dən çox variantı olan 6×6 təkər formuluna malik inkişafdır.

“Coyote Tactical Support” avtomobili “Supacat” şirkətinin HMT 600 6×6 şassisinə əsaslanır və “Jackal 2” zirehli avtomobilinin daha böyük törəməsidir, iki avtomobil bir-birini tamamlamaq üçün nəzərdə tutulub.

Əlavə iki təkər kütləsi 10500 kq-a yaxınlaşan daha ağır nəqliyyat vasitəsi verir ki, bu da “Jackal 2” üçün dəstək rolunu oynayacaq və oxşar ərazi üzərindən təchizat və avadanlığın daşınmasına imkan verəcək (təchizat və avadanlıq üçün faydalı yük 3900 kq olacaq).

“Coyote Tactical Support” yüngül taktiki xidməti nəqliyyat vasitəsi kimi istismar olunmaq üçün hazırlanıb.

Əhəd Vahidoğlu