Çexiya Ordusu RBS 70 NG DZRK üçün TATRA yük maşınları alıb
TATRA şassisində on yük maşınının yeni partiyası Çexiya Ordusuna təhvil verilib.
“Poliqon” xəbər verir ki, bu barədə Çexiyanın Müdafiə Nazirliyinin mətbuat xidməti məlumat yayıb.
Məlumatda bildirib ki, yük maşınları “RBS 70” daşınan zenit-raket komplekslərinin (DZRK) daşınması üçün nəzərdə tutulub.
2021-ci ildə Çexiyanın Müdafiə Nazirliyi 25-ci zenit-raket alayı üçün yeni texnikanın – TATRA yük maşınlarının alınması barədə müqavilə imzalayıb. Müqavilə, xüsusi qurğu ilə təchiz olunmuş 16 ədəd “815” tipli TATRA (6×6 təkər formullu platforma ilə T815-7T3R31.411) yük maşınının alınmasını nəzərdə tutur.
Qeyd olunur ki, nəqliyyat vasitələrinin alınması RBS 70NG DZRK ilə silahlandırılmış bölmələrin hərəkətliliyini təmin etməlidir. Avtomobillərin qiyməti 271,4 milyon çex kronunundan (təqribən 1,7 milyon ABŞ dollarından) çox deyil və tədarük 2022-ci ildə başa çatdırılmalıdır.
Təqdim olunan TATRA avtomobilləri təkcə Çexiyanın müdafiə standartlarına deyil, həm də beynəlxalq NATO standartlarına cavab verir və müxtəlif modifikasiyalarda Çexiya ordusunun yerüstü arxa təminatının əsasını təşkil edir.
Artıq Çexiya ordusu bu texnikaların funksionallığını tam təmin etməyə qadir olan özünün ixtisaslı kadrlı texniki və təmir bazalarını yaradıb.
Çexiya ordusu, həmçinin RBS 70 DZRK ilə heyətləri daşımaq üçün “T 810-V” orta ölçülü yük maşınlarından istifadə edir.
Xatırladaq ki, RBS 70NG (Robotsystem 70 Next Generation) DZRK İsveçin “SAAB Dynamics” şirkətinin yerüstü yaxın mənzilli hava hücumundan müdafiə sisteminin ən son versiyasıdır. Kompleks hava obyektlərini avtomatik izləmək imkanına malikdir ki, bu da daha yüksək vurma ehtimalını təmin və trenajor komplekslərində operatorun təlimi üçün daha az vaxt tələb edir.
Bundan başqa, kompleksin raketi təkcə klassik uçuş aparatları ilə deyil, həm də zirehli uçuş aparatlarına, qanadlı raketlərə və dronlara qarşı mübarizə aparmağa qadirdir. “RBS-70 NG” DZRK hava hədəfləri ilə yanaşı yüngül zirehli yerüstü texnikalara qarşı da tətbiq edilə bilir.
Sadalananlara baxmayaraq, RBS-70 NG DZRK özünün tuşlama sistemi sayəsində DZRK üçün həm əhəmiyyətli üstünlüklərə, həm də heç də az olmayan çatışmazlıqlara malikdir.
Üstünlüklərə aiddir:
- qarşılama kursu da daxil olmaqla, 8 km-lik uzun mənzilli tətbiq sahəsi;
- yüksək radioelektron maneə dayanıqlığı;
- infraqırmızı aşağı kontrastlı hədəflərlə işləmək bacarığı.
Mənfi cəhətləri isə bunlardır:
- kompleksin çəkisinin böyük olması. Nəqletmə-buraxma konteynerində olan iki raket və buraxma qurğusunun birlikdə çəkisi 120 kq təşkil edir. O, mahiyyətcə daşına bilən deyil, danışan-nəqlediləndir ki, bəzi istifadəçi ölkələrdə bu məsələ yüngül özüyeriyən şassiyə quraşdırılaraq həll olunur;
- heyətlərin hazırlanmasına yüksək tələblər var. Bu da, istehsalçıya görə, operatoru 10-12 gün müddətə paylaşdırılmış 20 saatlıq təlim kursu zamanı öyrətməyə imkan verən yüksək səmərəli trenajorun olması ilə həll olunan məsələdir. Bunun üçün, RBS-70 NG DZRK buraxma qurğusunda kompleksdən istifadə taktikasını məşq etməyə imkan verən daxili trenajor nəzərdə tutulub.
Əhəd Əzizov