Çin “Airshow China-2021”də yeni aviasiya vasitələrini nümayiş etdirir – FOTO
Çin müdafiə sənayesi kompleksinin bütün çalarları bu günlərdə Çjuhayda təqdim olunur.
“Poliqon” xəbər verir ki, sentyabrın 28-də bu Çinin Çjuhay şəhərində fəaliyyətə başlayan “Airshow China-2021” 13-cü Beynəlxalq Aviasiya və Aerokosmik Sərgisində Çin və xarici şirkətlər öz inkişaflarını təqdim edirlər.
Ən maraqlı eksponatlar arasında isə Çinin 5-ci nəsil J-20 qırıcısı, Y-20 hərbi nəqliyyat təyyarəsi, KJ-500 erkən xəbərdarlıq təyyarəsi, H-6K bombardmançısı və HQ-9B hava hücumundan müdafiə raket kompleksi yer tutur.
Çinin yeni J-16D radioelektron mübarizə təyyarəsi və WZ-7 yüksəklik kəşfiyyat pilotsuz uçuş aparatı ilk dəfə olaraq geniş ictimaiyyətə təqdim olunur (həmçinin bax: Çində WZ-7 PUA təqdim olunacaq).
Qeyd edək ki, sərginin açılış mərasimində Çin Hərbi Hava Qüvvələrinin pilotaj qrupları genişmiqyaslı aviaşou nümayiş etdiriblər. Sərgi oktyabr 3-dək davam edəcək.
Əhəd Əzizov
