DSX: Çoxsaylı itkilər verən düşmən geri çəkilməyə məcbur edilib

DSX: Çoxsaylı itkilər verən düşmən geri çəkilməyə məcbur edilib

Sentyabr ayının 12-də Azərbaycan-Ermənistan dövlət sərhədinin Zəngilan rayonu ərazisindən keçən hissələrində Ermənistan Silahlı Qüvvələrinin genişmiqyaslı təxribatlarlarının qarşısının alınması məqsədilə Dövlət Sərhəd Xidmətinin (DSX) bölmələri tərəfindən düşmənə ağır sarsıdıcı zərbələr endirilmiş və atəş nöqtələri zərərsizləşdirilib.

DSX-nin mətbuat mərkəzindən “Poliqon”a verilən məlumata görə, şəxsi heyət və hərbi texnika baxımından coxsaylı itkilər verən düşmən geri çəkilməyə məcbur edilib.

“Ermənistan Silahlı Qüvvələrinin Azərbaycan ərazisinə və suverenliyinə qarşı təhdininin qarşısının alınması zamanı Dövlət Səhəd Xidmətinin adları qeyd olunan hərbi qulluqçuları şəxsi igidlik və şücaət göstərib, düşmənə qarşı qəhrəmancasına vuruşaraq şəhid olublar:

  • kapitan Mehbalı Fərid Kəmaləddin oğlu;
  • baş gizir Məmmədov Azər Mustafa oğlu;
  • baş gizir Məmmədov Nahid Hüseynağa oğlu;
  • kiçik gizir Nəsirov Ülvü Əsədulla oğlu;
  • kiçik gizir Rüstəmov Fərid Nofəl oğlu;
  • kiçik gizir Babazadə Elşən Sahib oğlu;
  • baş çavuş Rəhimov Təbriz Rəhim oğlu;
  • baş çavuş Sadıxov Şəmistan Əbdülağa oğlu.

Şəhid olan hərbi qulluqçularımızın ailələrinə və yaxınlarına dərin hüznlə başsağlığı veririk”, – deyə Dövlət Sərhəd Xidmətindən bildirilib.

photo 20220915102833

CATEGORIES
TAGS