EUCOM-un yüksək rütbəli nümayəndə heyəti Bakıya gəlir

Aprel ayının ortalarında ABŞ-ın Avropa Qoşunları Komandanlığının (EUCOM) yüksək rütbəli zabitlərindən ibarət nümayəndə heyəti Azərbaycana gələcək. Bu barədə “AzeriDefence” EUCOM-a istinadən məlumat verib.

Bakıda keçiriləcək görüşlərdə Azərbaycan və ABŞ arasında hərbi və hərbi-texniki sahədə əməkdaşlıq, o cümlədən növbəti maliyyə ilində Birləşmiş Ştatlar tərəfindən Azərbaycana göstəriləcək yardımlar barədə müzakirələr aparılacaq. Müzakirələrin yekunu olaraq iki ölkə arasında Hərbi Əməkdaşlıq üzrə İş Planının təsdiq edilməsi gözlənilir.