Fransa ordusu zirehli maşın parkını yeniləyir

Fransa Quru Qoşunları komandanlığı 2320 ədəd yeni VBMR zirehli maşının alınması barədə niyyətini açıqlayıb.

“AzeriDefence”nin “Janes”ə istinadən verdiyi məlumata görə, maşınların ilk partiyasının 2016-cı ildə təqdimatı nəzərdə tutulub. VBMR Fransa ordusunda VAB 4×4 zirehli maşınlarını əvəzləyəcək. Hazırda orduda VAB 4×4 markalı zirehli maşınların sayı 3,7 min ədəddir.

Zirehli maşının 4×4 modelinin çəkisi 9 ton, 6×6-nın isə 20 tondur. Maşının istehsalı zamanı ballistik müdafiəyə daha çox diqqət yetirilib, o cümlədən yeni rabitə avadanlıqları ilə təchiz olunub.