HAVELSAN-ın baş direktoru ADVENT SYS sisteminin ixrac imkanlarından danışıb
GENESIS ilə başlayan SYS (Döyüş İdarəetmə Sistemi) hazırlama və inteqrasiya fəaliyyətləri ADVENT SYS-i gəmilərə quraşdıraraq artan intensivliklə davam edir.
Bu barədə HAVELSAN şirkətinin baş direktoru Dr. Mehmet Akif Nacar “Poliqon” jurnalına müsahibəsində deyib.
“Bir tərəfdən GENESIS SYS-li gəmilərə texniki xidmət müqavilələrimiz çərçivəsində dəstək veririk, digər tərəfdən də bu platformaların bəzilərini gücləndirmələr tətbiq edərək ADVENT SYS-yə çevirmək üçün işlər davam edir. Qardaş ölkə Pakistan Hərbi Dəniz Qüvvələrinə təhvil veriləcək MİLGEM sinifli gəmilər, Ukrayna Hərbi Dəniz Qüvvələri üçün imzalanan MİLGEM layihəsi və İndoneziya Hərbi Dəniz Qüvvələri üçün İndoneziya tərsanələrində inşa ediləcək müxtəlif suüstü platformalarına quraşdırılacaq ADVENT SYS və Döyüş Sistemi İnteqrator müqavilələrinə yönəlik fəaliyyətlər həyata keçirilir”, – deyə HAVELSAN şirkətinin baş direktoru vurğulayıb.
Mehmet Akifin sözlərinə görə, bu dost və müttəfiq ölkələrlə paylaşdıqları Şəbəkə Dəstəkləmə qabiliyyətinə malik ADVENT SYS sayəsində dəniz qüvvələrinin ortaq bir infrastruktur üzərində bir-biri ilə tam koordinasiyada işləməsi mümkün olmuşdur: “Azərbaycanlı qardaşlarımızın da gəmilərində ADVENT SYS istifadə etməsinin həm Türkiyə Hərbi Dəniz Qüvvələrinin sahədə istifadə etdiyi bir SYS ilə işləmək baxımından, həm də “Bir millət, iki dövlət” şüarı ilə gətirilmiş tam koordinasiyada işləmək üçün infrastruktur imkanı baxımından çox faydalı olacağı düşünülür”.