HAVELSAN-ın “Uçuş Simulatoru İstehsal və İnteqrasiya Müəssisəsi” 2027-ci ildə istifadəyə veriləcək
HAVELSAN şirkəti mülki və hərbi uçuş simulatorlarının istehsal gücünü artırmaq məqsədilə yeni istehsal və inteqrasiya müəssisəsinin inşasını həyata keçirir.
“Poliqon” HAVELSAN-a istinadən xəbər verir ki, Ankarada inşa edilən 17 min kvadratmetrlik “Uçuş Simulatoru İstehsal və İnteqrasiya Müəssisəsi”nin təməli Türkiyə Rəcəb Tayyib Ərdoğan tərəfindən qoyulub.
Müəssisənin tamamlanması ilə HAVELSAN-ın istehsal gücü əhəmiyyətli dərəcədə artacaq və şirkətə ildə 30-dan çox uçuş simulatoru istehsal etmək imkanı verəcək. Eyni anda fərqli istehsal və inteqrasiya mərhələlərində 16 simulatorun inkişaf etdirilməsi də mümkün olacaq.
Ankaradakı mövcud infrastrukturu ilə birlikdə qiymətləndirildikdə, HAVELSAN-ın ümumi istehsal gücünün eyni anda inkişaf və ya əməliyyat mərhələsində olan 40 mülki və hərbi simulatora çatması hədəflənir.
Yeni müəssisənin istifadəyə verilməsi ilə HAVELSAN-ın Avropa və Yaxın Şərqdəki ən böyük uçuş simulatoru istehsal mərkəzlərindən birinə çevrilməsi və Türkiyənin qlobal uçuş simulyasiyası və aviasiya təhsili bazarındakı mövqeyinin güclənməsi gözlənilir.
Müəssisə, eyni zamanda HAVELSAN-ın yeni nəsil simulator texnologiyalarını inkişaf etdirməsi üçün də infrastruktur təmin edəcək. Bu çərçivədə şirkətin görüntü sistemləri komandası tərəfindən inkişaf etdirilən STARVIEW-B sistemi, inkişaf etmiş təhsil mühitlərində pilotların vizual realizm və prosedur düzgünlüyünü artırmağı hədəfləyir.
HAVELSAN tərəfindən inkişaf etdirilən STARVIEW-B, simulator alt sistemlərində texnoloji müstəqilliyi artırmağı məqsəd qoyur və şirkətin STARLINE FSTD məhsul ailəsi çərçivəsində qlobal səviyyədə rəqabət apara bilən tam uçuş simulatorları inkişaf etdirmə strategiyasının vacib bir hissəsini təşkil edir.
2027-ci ildə istifadəyə verilməsi planlaşdırılan müəssisənin Ankarada yüzlərlə yüksək ixtisaslı mühəndislik və texniki iş yerləri yaratması gözlənilir. Bu investisiyanın Türkiyənin aviasiya və müdafiə texnologiyaları ekosisteminə də töhfə verməsi proqnozlaşdırılır.
HAVELSAN mülki sahə ilə yanaşı, HÜRJET, HÜRKUŞ, KAAN və GÖKBEY kimi hərbi aviasiya layihələrinə də simulator və təhsil sistemləri sahəsində dəstək verir.