İran HDQ-ni helikopter, təyyarə və gəmilərlə təchiz edib
İran Hərbi Dəniz Qüvvələri (HDQ) yeni və əsaslı təmir edilmiş helikopter, təyyarə və gəmilərlə təchiz edilib.
Bu barədə “Poliqon” “Fars” xəbər agentliyinə istinadən məlumat verib.
Məlumatda bildirilib ki, 2 ədəd SH3D-316 helikopteri və 2 ədəd F-27 “Friendship” və “Hovercraft” təyyarəsi İranın cənubundakı Bəndər-Abbas liman şəhərində keçirilən mərasimdə Hərbi Dəniz Qüvvələrinə təhvil verilib.
İran Hərbi Dəniz Donanmasın istismarına verilən yenilənmiş və əsaslı təmir olunmuş “Əlvənd” esminesi suüstü və sualtı müdafiə sistemləri ilə təchiz edilib. Bundan başqa, Hərbi Dəniz Qüvvələrinin sualtı donanmasına 4 ədəd yeni sualtı qayıq qoşulub.
Mərasimdə çıxış edən İran Hərbi Dəniz Qüvvələrinin komandanı admiral Şəhram İrani bildirib ki, yaxın vaxtlarda “Besat” ağır sualtı qayığının tikinti işlərinə başlanılacaq.
Admiral Şəhram İrani raket buraxıcı qurğular ilə təchiz edilmiş “Gorz” və “Xəncər” adlı iki yeni freqatın da HDQ-nin silahlanmasına verildiyini açıqlayıb.