İsveç Silahlı Qüvvələri yeni “Black Hawk” helikopterləri ilə təchiz olunacaq

ABŞ-ın “Sikorsky” şirkəti (“Lockheed Martin” korporasiyasının tərkibinədədir) İsveç Silahlı Qüvvələrinə 12 ədəd UH-60M “Black Hawk” helikopteri tədarük edəcək.

“Poliqon” İsveçin Müdafiə Avadanlıqları İdarəsinə (FMV) istinadən xəbər verir ki, bunun üçün tərəflər arasında müqavilə imzalanıb.

İsveç FMV-nin bildirdiyinə görə, hazırda İsveç Silahlı Qüvvələrinin istifadəsində 15 ədəd “Black Hawk” helikopteri mövcuddur və əlavə UH-60M-lərin alınması ölkənin müdafiə qabiliyyətini gücləndirmək məqsədi daşıyır.

Xatırladaq ki, cari ilin may ayında ABŞ Dövlət Departamenti İsveçə 900 milyon dollar dəyərindəki UH-60M “Black Hawk” helikopterlərinin satışını təsdiq edib.