Litva hərbi helikopter parkını yeniləyir

Litva ABŞ-dan 4 ədəd UH-60M “Black Hawk” helikopteri almağı planlaşdırır.

“Poliqon” xəbər verir ki, bu barədə Litva Milli Müdafiə Nazirliyi məlumat yayıb.

Satınalma paketinə əlavə avadanlıqlar, ehtiyat hissələr, təlim, təmir və maddi-texniki dəstək daxildir. Satınalma layihəsinin büdcəsi 213 milyon dollardır. ABŞ Hökuməti isə layihəyə əlavə olaraq 25 milyon dollar dəyərində dəstək verir.

“Black Hawk” helikopterlərinin ilk tədarükü 2024-cü ildə gerçəkləşdiriləcək. Yeni helikopterlər hazırda Litva Silahlı Qüvvələrinin istifadə etdiyi Mi-8T helikopterlərini əvəz edəcək.

Litvanın keçmiş Sovet istehsalı olan helikopter donanması otuz yaşındadır və uçuşa yararlılığı son tarixə çatıb.