MİLGEM gəmiləri ASELSAN-ın döyüş sistemləri ilə təchiz olunacaq
Türkiyənin ASELSAN şirkəti MİLGEM layihəsi çərçivəsində inşa olunacaq 9, 10, 11 və 12-ci gəmiləri döyüş sistemləri və faydalı yüklərlə təmin edəcək.
“Poliqon” Türkiyənin İctimaiyyəti Məlumatlandırma Platformasına (KAP) istinadən xəbər verir ki, bunun üçün ASELSAN ilə STM və TAIS şirkətləri arasında MİLGEM döyüş sistemləri ilə bağlı imzalanan müqaviləyə dəyişiklik edilib.
Bununla MİLGEM 9, 10, 11 və 12-ci gəmilərin döyüş sistemləri və faydalı yükləri ilə əlaqədar bənd müqaviləyə daxil edilib. Müqavilə dəyişikliyinə uyğun olaraq tədarüklər 2025-2027-ci illər arasında həyata keçiriləcək.
Məlumatda o da qeyd olunub ki, ASELSAN şirkətinin müqavilə dəyişikliyindəki payı 421.5 milyon avro təşkil edir.