MSN-in nümayəndə heyəti Özbəkistanda işgüzar səfərdədir
Azərbaycan Müdafiə Sənayesi Nazirliyinin (MSN) Aparatının rəhbəri Samir Ağabalayevin rəhbərlik etdiyi nümayəndə heyəti Özbəkistanda işgüzar səfərdədir.
MSN-in Mətbuat Xidmətindən “Poliqon”a verilən məlumata görə, Özbəkistan Müdafiə Nazirliyi yanında Müdafiə Sənayesi Agentliyinin direktorunun dəvəti ilə baş tutan səfərin məqsədi iki ölkə arasında müdafiə sənayesi sahəsində hərbi-texniki əməkdaşlığın inkişaf etdirilməsi istiqamətində fikir mübadiləsinin aparılmasıdır.
Mayın 12-də S.Ağabalayev Özbəkistan Müdafiə Sənayesi Agentliyinin nümayəndə heyəti ilə görüşüb. Görüşdə müdafiə sənayesi sahəsində münasibətlərin tənzimlənməsi üzrə mövcud qanunvericilik təcrübəsi müzakirə edilib.
Qeyd edək ki, səfər mayın 15-də başa çatacaq.
