GDLS şirkəti MCOTM konsepsiyası üçün robot maşınlarını təqdim edir

“General Dynamics Land Systems” (GDLS) şirkəti bu həftə Vaşinqtonda keçirilən AUSA-2024 (Association of the U.S. Army) konfransında yeni Hərəkətdə olan Missiya Komandanlığı (Mission Command on the Move – MCOTM) konsepsiyası üçün üç “Stryker MCOTM”, “MUTT XM” və “TRX Defender” robot maşınlarını təqdim edir.

Bu barədə “Poliqon” “General Dynamics Land Systems” şirkətinə istinadən məlumat verib.

Pilotsuz uçuş aparatlarının çox olduğu müasir döyüş meydanında ordu komanda məntəqələrini aşkar etmək və hədəf almaq çox asan olduğundan, layihələndirilmiş MCOTM həlli vizual, termal, akustik və elektromaqnit daxil olmaqla bir çox spektrlərdə aşkar edilə bilən dostluq siqnaturalarını azaltmaq üçün insan-maşın inteqrasiyasından (“Human-Machine Integration” – HMI) istifadə edir. Buna görə də, “Stryker MCOTM”un yeni konsepsiyası ondan ibarətdir ki, o, qısa dayanma və ya hərəkət zamanı təhlükəsiz komandanlığı təmin edir.

O, həmçinin səs-küylü generatorlara, həcmli çadırlara, əlavə nəqliyyat vasitələrinə və s. ehtiyacı aradan qaldırır.

GDLS stendində geniş ictimaiyyətə nümayiş etdirilən MCOTM sistemlərinə aşağıdakı üç maşın aiddir:

“Stryker MCOTM”
“Stryker MCOTM” modernləşdirilmiş “Stryker” APC/IFV zirehli transportyorunun şassisi üzərində qurulub. O, yeni nəsil komanda mərkəzi texnologiyalarının nümayişetdiricisidir.

Ucaldılmış dam xətti sayəsində daxili məkanı artırılan “Stryker MCOTM” qısa dayanma və ya hərəkət zamanı qorunan missiya komandasını təmin edən heyət mərkəzidir. Onun hibrid-elektrik ötürücüsü səssiz hərəkətliliyə, səssiz saata və ixrac edilə bilən gücə imkan verir. O, həmçinin inteqrasiya olunmuş Aktiv Mühafizə Sistemi (“Active Protection System”), kibermüdafiəli Yeni Nəsil Elektron Arxitektura (“Next Generation Electronic Architecture”) və eşelonda başdaş-başa təhlükəsiz rabitə (“end-to-end secure communications”) üçün fərdi rabitə cihazlarına malikdir.

Komanda məntəqəsi daxilində innovativ kommunikasiyaların inteqrasiyası elektromaqnit siqnaturaları əhəmiyyətli dərəcədə azaltmağa kömək edir və MCTOM komanda məntəqəsinə “göz qabağında gizlənməyə” imkan verir.

Heyətin mühafizəsini artırmaq üçün MCOTM çox spektrli maskalanma sistemləri ilə təchiz olunub və inteqrasiya olunmuş aktiv mühafizə sisteminə malikdir.

GDLS şirkətinin ABŞ üzrə inkişaf direktoru Scott Taylor “Shepard” nəşrinə bildirib ki, GDLS nəinki tabor və ya briqada səviyyəsində, hətta eşelonlaşdırılmış səviyyədə xidmət edə biləcək ən yaxşı səviyyəli komanda məntəqəsi yaratmaq üçün 11 müxtəlif müdafiə sənayesi şirkətinin texnologiyasından istifadə edir.

MUTT XM
GDLS şirkətinin çoxməqsədli taktiki nəqliyyat robot vasitələri ailəsinin ən yeni üzvü olan “MUTT XM” (“Multi-Utility Tactical Transport”) sələflərindən daha böyük, daha sürətli və güclüdür və elektromaqnit maneələrdən mühafizə olunur.

8×8 təkər formullu “MUTT XM” avadanlıq daşıyan “robot qatır” kimi yükü yüngülləşdirir, eyni zamanda müxtəlif döyüş, döyüş dəstəyi və köməkçi funksiyaları və faydalı yüklər üçün daxili çevikliyə malikdir.

AUSA-2024 konfransında o, “General Dynamics Mission Systems” şirkətinin MIMIC (“Modular Instrumented MDO Integrated Capability”) əvəzetmə texnologiyası ilə təchiz ediləcək və MCOTM komandanlıq maşınları üçün açılmış qorunma səviyyəsini təmin edəcəkdir.

TRX Defender
10 tonluq “Tracked Robot” (TRX) robot döyüş maşını AUSA-2024 konfransında hər üç gündə müxtəlif yer və havadan müdafiə yükləri ilə nümayiş etdiriləcək.

GDLS şirkətinin təqdim etdiyi üçüncü nəsil ən son TRX robotu, çəki-daşıma yükü üçün 1:1 nisbəti ilə Ordu Robot Döyüş Vasitəsi (Army Robotic Combat Vehicle -ARCV) yarışmasında iştirak edir.

TRX faydalı yükləri MCOTM əməliyyatı zamanı hava və yer təhdidlərinə qarşı perimetrin müdafiəsini təmin etmək, tabeliyində olan bölmələri komanda məntəqəsinin müdafiəsi üçün tapşırıqlardan azad etmək üçün təyin edilib.

Əhəd Vahidoğlu