Müdafiə naziri İsrailin “Rafael” şirkətinin rəhbəri ilə görüşüb
Bakı Ekspo Mərkəzində keçirilən ADEX 2022 Beynəlxalq Müdafiə Sərgisi davam edir.
Müdafiə Nazirliyinin mətbuat xidmətindən “Poliqon”a verilən məlumata görə, Müdafiə naziri general-polkovnik Zakir Həsənov sərgidə iştirak etmək üçün Azərbaycanda səfərdə olan İsrailin “Rafael” şirkətinin rəhbəri Yoav Har-Even ilə görüşüb.
Görüşdə Azərbaycan ilə İsrail arasında hərbi əməkdaşlığın güclənməsinin vacibliyi və dövlətlərimizin regional təhlükəsizliyə verdiyi töhfələr barədə ətraflı fikir mübadiləsi aparılıb, eyni zamanda Azərbaycan-İsrail hərbi əlaqələrinin möhkəmlənməsində bu cür görüşlərin və qarşılıqlı səfərlərin zəruriliyi xüsusi vurğulanıb.
CATEGORIES Xəbərlər