NATO və Northrop Grumman şirkəti arasında 1.7 milyard dollarlıq müqavilə

Northrop Grumman şirkəti NATO-nun NAGSMA agentliyi ilə Alyansın Birləşmiş Yer Kəşfiyyatı (AGS) sistemi üçün 1,7 mlrd. ABŞ dolları dəyərində müqavilə imzalayıb. Bu barədə “AzeriDefence” Northrop Grumman şirkətinə istinadən məlumat verib.

AGS NATO-nun Birgə Kəşfiyyat, Müşahidə və Tədqiqat (Joint Intelligence, Surveillance and Reconnaissance (JISR)) sistemi üçün əsas məlumat mənbəyi olacaq.

Saziş 5 ədəd Global Hawk 40 pilotsuz uçuş aparatının, ilkin istismarını və təmirini nəzərdə tutur. Uçuş aparatı MP-RTIP birləşdirilmiş yer kəşfiyyatı radar sensoruna malikdir.

Proqramda Cassidian, Selex Galileo və KONGSBERG-lə yanaşı, Avropanın aparıcı müdafiə firmalarından olan ICZ, A.S., ComTrade d.o.o, BIANOR, Technologica, Zavod Za Telefonna Aparatura Ad (ZTA AD), SELEX ELSAG, Elettra Communications, UTI Systems və SES şirkətləri də yer alacaq.