Niderland İsveç ilə “Saab” şirkətinin istehsalı olan “GlobalEye” havadan erkən xəbərdarlıq və idarəetmə (AEW&C) təyyarələrinin alınması ilə bağlı Niyyət Məktubu imzalayıb.
“Poliqon” “Saab”a istinadən xəbər verir ki, tərəflər hələlik satınalma müqaviləsi imzalamayıb və şirkət Niderlanddan sifariş almayıb.
“GlobalEye” hava, dəniz və quru üzərində yerləşən obyektlərin uzaq məsafədən aşkarlanması və tanınmasını təmin edən aktiv və passiv sensorlar kompleksi ilə təchiz edilmiş qabaqcıl çoxsahəli erkən xəbərdarlıq və nəzarət həllidir. Sistem birgə əməliyyat qüvvələrinə real vaxt rejimində məlumat təqdim etməklə ətraf mühit barədə situasiya məlumatlılığını artırır və təhdidlərin erkən aşkar edilməsinə imkan yaradır.
