Niderlandın “Skyranger 30” HHM sistemləri KONGSBERG-in C2 həlləri ilə təchiz olunacaq
Norveçin “Kongsberg Defence & Aerospace” (KONGSBERG) şirkəti Almaniyanın “Rheinmetall Air Defence” şirkətinə komanda-idarəetmə (C2) həlləri tədarük edəcək.
“Poliqon” KONGSBEG-ə istinadən xəbər verir ki, bunun üçün şirkətlər arasında müqavilə imzalanıb.
Müqaviləyə əsasən, KONGSBEG tərəfindən tədarük ediləcək C2 həlləri “Rheinmetall Air Defence”nin Niderland Müdafiə Nazirliyi üçün istehsal etdiyi “Skyranger 30” mobil hava hücumundan müdafiə (HHM) sistemlərinə inteqrasiya olunacaq.