Norveç HHQ-nin F-35-ləri AIM-120C-8 raketləri ilə silahlandırılır

ABŞ Dövlət Departamenti 1.9 milyard dollar dəyərindəki AIM-120C-8 AMRAAM raketlərinin Norveçə satışını təsdiq edib.

“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.

Məlumatda bildirilib ki, sifarişə 300 ədəd “hava-hava” tipli AIM-120C-8 raketinin və digər lazımi avadanlıqların satın alınması, eləcə də onlara təmir, texniki xidmət və logistika dəstəyinin göstərilməsi daxildir.

Sifarişin əsas podratçısı rolunda ABŞ-ın “RTX Corporation” şirkəti çıxış edəcək.

Qeyd olunub ki, yeni AIM-120C-8 raketləri Norveç Hərbi Hava Qüvvələrinin F-35A döyüş təyyarələri tərəfindən istifadə ediləcək.