Pakistan IDEAS-2022 sərgisinə hazırlaşır

Pakistan IDEAS-2022 sərgisinə hazırlaşır

Pakistanın Kəraçi şəhərində iki ildən bir keçirilən IDEAS beynəlxalq müdafiə sənayesi sərgisi və seminarı bu il 15-18 noyabr tarixlərində keçiriləcək.

“Poliqon”un məlumatına görə, bu, Pakistan Silahlı Qüvvələrinin və Hökumətinin hamiliyi altında təşkil olunacaq sayca 11-ci IDEAS sərgisidir.

Sərginin təşkilat komitəsindən verilən məlumata görə, yüksək vəzifəli rəsmi şəxslərin, Müdafiə nazirliklərin və digər güc qurumlarının nümayəndələrinin iştirak edəcəyi IDEAS sərgisi çərçivəsində Pakistan və dünyanın müdafiə sənayesi şirkətləri 4 gün ərzində ən son texnoloji yeniliklərini nümayiş etdirəcək.

IDEAS-2022 sərgisi həm Pakistan hərbi sənaye kompleksinin, həm də dünyanın müxtəlif ölkələrindən gələn şirkətlərin Cənub-Şərqi Asiya regionunda özünü tanıtması baxımından böyük əhəmiyyət daşıyır.

Qeyd edək ki, Azərbaycandan “Poliqon” jurnalı IDEAS beynəlxalq müdafiə sənayesi sərgisinin rəsmi media tərəfdaşı qismində çıxış edir.

Rizvan Fikrətoğlu

Poliqon.az

KATEQORIYA:
TEQLƏR
Bu xəbəri paylaş