Pakistanın Türkiyəyə ixrac edəcəyi “Super Mushshak” təyyarəsinin görüntüsü yayılıb

Pakistanın PAC (“Pakistan Aeronautical Complex”) şirkəti tərəfindən Türkiyə Hərbi Hava Qüvvələri üçün istehsal edilən MFI-395 “Super Mushshak” yüngül təlim-döyüş təyyarəsinin ilk uçuş görüntüsü yayılıb.

“Poliqon” xəbər verir ki, 2016-cı ildə Karaçi şəhərində keçirilən İDEAS-2016 sərgisi çərçivəsində Türkiyə və Pakistan arasında MFI-395 “Super Mushshak” təyyarələrinin alqı-satqısı dair müqavilə imzalanıb.

Müqaviləyə uyğun olaraq Pakistan Türkiyəyə 52 ədəd “Super Mushshak” təlim-döyüş təyyarəsi ixrac edəcək.

Hazırda “Super Mushshak” təyyarələri Pakistanla yanaşı Azərbaycan, Səudiyyə Ərəbistanı, Oman, İran və CAR-da stifadə olunur. Yüksək təhlükəsizlik standartlarına cavab verən təyyarə 300 kiloqram ağırlığında bomba və raketlərlə yüklənə bilər.