POLİQON hərbi-kosmik texnoloji jurnalının 5 (73) 2024 sayı
POLİQON hərbi-kosmik texnoloji jurnalının sentyabr-oktyabr-noyabr 2024-cü il tarixli 5 (73) sayının yayımı başlanıb.
Dəyərli oxucularımız POLİQON jurnalının budəfəki səhifələrində Azərbaycan, region və dünya hərbi sənayesinin yeniliklərində xəbərdar olacaqlar.
POLİQON-un yeni sayında 24-26 sentyabr tarixlərində Bakıda keçirilən “ADEX-2024” 5-ci Yubiley Azərbaycan Beynəlxalq Müdafiə Sərgisi və “Securex Caspian” 14-cü Beynəlxalq Daxili Təhlükəsizlik, Mühafizə və Xilasetmə Avadanlıqları Sərgisində təqdim edilən məhsullarla bağlı məlumat, reportaj müsahibələr, “Əhəd Əzizov: GTS üç dövlət qurumuna məxsus xüsusi texnikaların təmiri və modernləşdirilməsi işlərini davam etdirir”, “Ahmet Akyol: ASELSAN məhsullarının bir hissəsi Bakıda istehsal olunacaq”, “ROKETSAN Azərbaycanın müdafiəsinə daha da güc qatmağı hədəfləyir”, “Vitse-prezident: “Elbit Systems” Azərbaycanda 100-dən çox layihə həyata keçirib”, “Azərbaycanın aldığı JF-17C döyüş təyyarəsi məşhur analoqlarını üstələyir”, “DSX komandanlıqlarına mediaturlar təşkil olunub”, “Çoxməqsədli hücum katerləri” və digər başlıqlı yazılar yer alıb.
Jurnalımıza “Azərmətbuatyayım” ASC, “Kaspi Mətbuat Yayım” MMC, “Səma Mətbuat Yayım” MMC, “Azərpoçt”, “Qaya Mətbuat Yayım” MMC, “Ziya LTD” və “İnterpress” mətbuat yayım şirkətləri vasitəsi ilə, yaxud redaksiyanın özü ilə birbaşa müqavilə bağlamaqla abunə ola bilərsiniz.