Polşa Quru Qoşunlarının artilleriya bölmələri K9 ÖAQ-larla təmin olunur

Polşa Quru Qoşunlarının 1-ci Varşava Zirehli Briqadasının özüyeriyən artilleriya diviziyası müasir K9 “Thunder” özüyeriyən artilleriya qurğularını təhvil alıb.

“Poliqon” xəbər verir ki, bu barədə 1-ci Varşava Zirehli Briqadasının “Facebook” hesabında paylaşım edilib.

“Bu, briqadamızın, 18-ci Mexanikləşdirilmiş Diviziyanın və Alyansın (NATO) bütün şərq cinahının döyüş potensialının əhəmiyyətli dərəcədə gücləndirilməsidir”, – deyə paylaşımda bildirilib.