“TurAz Qartalı – 2022” təlimində iştirak edəcək Türkiyə aviasiya vasitələri Azərbaycandadır

“TurAz Qartalı – 2022” birgə taktiki-uçuş təlimində iştirak edəcək Türkiyə Hərbi Hava Qüvvələrinin şəxsi heyəti və aviasiya vasitələri Azərbaycana gəlib.

Bu barədə “Polqion”a Müdafiə Nazirliyinin mətbuat xidmətindən məlumat verilib.

Sentyabrın 5-dən başlayacaq təlimdə iki ölkənin Hərbi Hava Qüvvələrinin birgə fəaliyyətlərinin planlaşdırılması, qarşılıqlı əlaqə və döyüş uzlaşmasının öyrənilməsi, eləcə də axtarış-xilasetmə tədbirlərinin icrası və digər tapşırıqlar yerinə yetiriləcək.