Türkiyə Ukraynadan S-125 ZRK alıb
Türkiyə Ukraynadan S-125 zenit-raket kompleksi (ZRK) alıb.
“Poliqon” xəbər verir ki, bu barədə SAHA EXPO sərgisində keçirilən “Türkiyə-Ukrayna Müdafiə Sənayesi Əməkdaşlığı” adlı paneldə Ukraynanın “Ukrspecexport” Dövlət şirkətinin baş direktoru Vadym Nozdria açıqlama verib.
S-125 sovet dövründə hazırlanmış orta mənzilli zenit-raket kompleksidir. Kompleksin istifadə etdiyi qatı yanacaqla işləyən mühərrikli raketlər radio dalğaları vasitəsilə hədəfə yönəldilir.
S-125 zamanla bir çox modernləşdirmələrə məruz qalıb və müxtəlif konfiqurasiyaları hazırlanıb. Ukraynanın “Aerotechnica” şirkəti tərəfindən 2010-cu ildə modernləşdirilmiş S-125 zenit-raket kompleksi S-125-2D “Pechora” səviyyəsinə yüksəldilib. Yeni bərk cisimili radar sistemi ilə təchiz edilmiş S-125-2D “Pechora” modernləşdirilmiş raketlərlə 40 kilometr hədəfləmə məsafəsinə malikdir.
Qeyd edək ki, effektiv atəş mənzili baxımından S-125-2D “Pechora” Türkiyə Hərbi Hava Qüvvələrinin inventarındakı MIM-23B HAWK hava hücumundan müdafiə raket sistemi ilə eyni performansa sahibdir.
Rizvan Fikrətoğlu