Türkiyədə “Aksungur” PUA axtarış-xilasetmə əməliyyatlarına cəlb olunub – VİDEO
TUSAŞ şirkəti tərəfindən hazırlanan “Aksungur” pilotsuz uçuş aparatları (PUA) Türkiyənin zəlzələ baş verən bölgəsindəki axtarış-xilasetmə əməliyyatlarına cəlb olunub.
“Poliqon” xəbər verir ki, bu barədə Türkiyənin Müdafiə Sənayesi (SSB) başqanı İsmail Dəmir özünün “Twitter” hesabında paylaşım edib.
İ.Dəmir bildirib ki, əməliyyat ərazisində hərbçilərin fasiləsiz və dayanıqlı rabitə əlaqəsi üçün inkişaf etdirdirilən texnologiya ilk dəfə “Aksungur” PUA vasitəsilə fəlakət bölgəsində tətbiq olunub.
Bununla “Aksungur” PUA həm axtarış-xilasetmə işlərinin yerinə yetirilməsi üçün mərkəzə real zamanlı görüntü ötürür, həm də üzərindəki baza stansiyasının köməkliyi ilə bölgədəki vətəndaşlara mobil telefon rabitə xidməti təmin edir.