Xəbərlər
Zakir Həsənov Qazaxıstanın müdafiə nazirinin müavini ilə görüşüb
Sentyabrın 6-da müdafiə naziri general-polkovnik Zakir Həsənov ADEX 2022 Beynəlxalq Müdafiə Sərgisi çərçivəsində Qazaxıstanın müdafiə nazirinin müavini general-leytenant Ruslan Şpekbayev ilə görüşüb.
Bu barədə “Poliqon”a Müdafiə Nazirliyinin mətbuat xidmətindən məlumat verilib.
Bakı Ekspo Mərkəzində keçirilən görüşdə Azərbaycan ilə Qazaxıstan arasında hərbi, hərbi-texniki və hərbi təhsil sahələrində əməkdaşlığın daha da genişləndirilməsinin, eləcə də ekspert qrupları səviyyəsində qarşılıqlı səfərlərin intensivləşdirilməsinin vacibliyi bildirilib və maraq doğuran digər məsələlər müzakirə olunub.
