![Komando bölmələri ilə taktiki-xüsusi hazırlıq üzrə məşğələlər keçirilib – VİDEO Komando bölmələri ilə taktiki-xüsusi hazırlıq üzrə məşğələlər keçirilib – VİDEO](https://poliqon.az/wp-content/uploads/2024/02/019d8efe2011a7e373bb17c02167ce72.jpg)
Komando bölmələri ilə taktiki-xüsusi hazırlıq üzrə məşğələlər keçirilib – VİDEO
2024-cü ilin hazırlıq planına uyğun olaraq, komando bölmələri ilə taktiki-xüsusi hazırlıq üzrə məşğələlər keçirilib.
Müdafiə Nazirliyinin Mətbuat Xidmətindən “Poliqon”a verilən məlumata görə, beş mərhələdən ibarət məşğələlər zamanı komandolar müxtəlif tapşırıqları yerinə yetiriblər.
İlkin mərhələdə taktiki yerdəyişmə üsulları ilə hədəfə doğru irəliləmə və kəşfiyyat məlumatlarının toplanması üzrə fəaliyyətlər yerinə yetirilib.
Daha sonra hücum yarımqruplarının obyektə yaxınlaşması, basqın əməliyyatının icra olunması və hədəfdə tərtiblənmə tapşırıqları icra edilib.
Sərt iqlim şəraitində və çətin relyefli ərazilərdə keçirilən məşğələlər zamanı komandolar yüksək peşəkarlıq nümayiş etdiriblər.
TAGS Video