Ukrayna istismarındakı “Skynex” HHM sisteminin ilk görüntüsünü paylaşıb

Almaniya tərəfindən Ukraynaya tədarük edilən “Skynex” hava hücumundan müdafiə (HHM) sisteminin ilk görüntüsü paylaşılıb.

“Poliqon” xəbər verir ki, bu, Ukrayna Hərbi Hava Qüvvələrinin Qərb Hava Komandanlığı tərəfindən “Facebook”da paylaşılan videoda öz əksini tapıb.

Qeyd edək ki, Almaniya hökumətinin rəsmi saytında dərc olunan məlumata əsasən, indiyə kimi Ukrayna Silahlı Qüvvələrinə 2 ədəd “Skynex” HHM sistemi tədarük edilib.

Almaniya mərkəzli “Rheinmetall” şirkətinin istehsal etdiyi “Skynex” HHM sistemləri hazırda Ukrayna-Rusiya müharibəsində Ukrayna tərəfindən istifadə olunmaqdadır.