![ASELSAN və “Roketsan” təxminən 12 milyon dollarlıq müqavilə imzalayıb ASELSAN və “Roketsan” təxminən 12 milyon dollarlıq müqavilə imzalayıb](https://poliqon.az/wp-content/uploads/2023/08/aselsan-roketsan-e1690890409549.jpg)
ASELSAN və “Roketsan” təxminən 12 milyon dollarlıq müqavilə imzalayıb
Türkiyənin ASELSAN və “Roketsan” şirkətləri arasında elektro-optik sistemlərin tədarükünə dair 11.9 milyon ABŞ dolları dəyərində müqavilə imzalanıb.
“Poliqon” xəbər verir ki, bu barədə ASELSAN-ın İctimaiyyəti Məlumatlandırma Platformasına (KAP) təqdim edilən məlumatında qeyd olunub.
Qeyd edək ki, ASELSAN tərəfindən “Roketsan”a çatdırılacaq məhsulun ASELFLIR-410 kəşfiyyat, müşahidə və hədəfləmə sistemi olduğu ehtimal edilir. Buna səbəb isə IDEF-2023 sərgisində “Cirit” silah sisteminin ASELFLIR-410-la təchiz edilməsi üçün iki şirkət arasında razılaşmanın imzalanmasıdır.