Azərbaycan və Rumıniya arasında kibertəhlükəsizlik sahəsində Anlaşma Memorandumu imzalanıb
Azərbaycanın Xüsusi Rabitə və İnformasiya Təhlükəsizliyi Dövlət Xidmətinin (XRİTDX) rəisi general–leytenant İlqar Musayevin rəhbərlik etdiyi nümayəndə heyətinin Rumıniyaya səfəri çərçivəsində nümayəndə heyəti Rumıniyanın Kibertəhlükəsizlik Milli Kiberdirektorluğunun rəhbəri Dan Cimpean və digər rəsmilərlə görüşlər keçirib, gələcək mümkün əməkdaşlıq istiqamətlərini müzakirə ediblər.
Bu barədə “Poliqon” XRİTDX-nin mətbuat xidmətindən məlumat verilb.
Bildirilib ki, səfər zamanı XRİTDX-nin rəisi general–leytenant İlqar Musayev ilə Rumıniyanın Kibertəhlükəsizlik Milli Kiberdirektorluğunun rəhbəri Dan Cimpean arasında tərəflərin CERT komandalarının birgə fəaliyyətinin gücləndirilməsi, kibertəhdidlərlə mübarizə, kibertəhlükəsizlik insidentləri barədə məlumat və təcrübə mübadiləsinin təşkili sahəsində əməkdaşlıq haqqında Anlaşma Memorandumu imzalanıb.