DTX: İrandakı terror aktı ilə bağlı dövlət orqanlarına istinad olunmadan informasiyaların tirajlanması yolverilməzdi
Dövlət Təhlükəsizliyi Xidmətində (DTX) Azərbaycanın İrandakı Səfirliyində törədilmiş terror aktı ilə bağlı cinayət işi üzrə araşdırmalar davam etdirilir.
Bu barədə “Poliqon”a DTX-nin Mətbuat xidmətindən məlumat verilib.
“Həmin hadisə barədə araşdırmalara dair dəqiqləşdirilməmiş və rəsmi mənbələrə istinad edilməyən məlumatların yayımlanması istintaqın aparılmasına mane olmaqla əhali arasında çaşqınlığa və şayiələrin yayılmasına səbəb olur.
İranda baş vermiş hadisə ilə əlaqədar dövlət orqanlarına istinad olunmadan informasiyaların tirajlanmasının yolverilməzliyi barədə media qurumlarına xəbərdarlıq olunur”, – deyə DTX-nin məlumatında bildirilib.
KATEQORIYA: Təhlükəsizlik