Elçin Quliyev: Sərhəd infrastrukturunun yaxşılaşdırılması istiqamətində zəruri tədbirlər görülür
Sərhəd təhlükəsizliyinin təmin edilməsi məsələsi Azərbaycan Prezidenti İlham Əliyevin xüsusi diqqətindədir.
“Poliqon” xəbər verir ki, bunu Dövlət Sərhəd Xidmətinin (DSX) rəisi, general-polkovnik Elçin Quliyev MDB Sərhəd Qoşunlarının Komandanları Şurasının 86-cı iclasında çıxış edərkən deyib.
“Dövlət başçısı son 20 ildə Dövlət Sərhəd Xidmətinin müxtəlif hərbi hissələrində 40 dəfədən çox olub, bölmələrdə görülən işlərin vəziyyəti ilə şəxsən tanış olub. Cənab Prezidentin bilavasitə dəstəyi ilə sərhəd təhlükəsizliyi sisteminin təkmilləşdirilməsi istiqamətində kompleks tədbirlər və tədbirlər həyata keçirilmiş və həyata keçirilməkdə davam edir”, – deyə Elçin Quliyev qeyd edib.
Onun sözlərinə görə, sərhəd infrastrukturunun yaxşılaşdırılması, şəxsi heyətin sosial müdafiəsinin yaxşılaşdırılması istiqamətində zəruri tədbirlər həyata keçirilir.
“İşğaldan azad edilmiş ərazilərdə sərhəd infrastrukturunun yaradılmasına xüsusi diqqət yetirilir. Ölkənin ərazi bütövlüyü bərpa edildikdən sonra dövlət sərhədinin azad edilmiş hissələrində xidməti-döyüş fəaliyyətinin təşkili üçün zəruri tədbirlər həyata keçirilib. Qubadlı əlahiddə sərhəd diviziyası, çevik reaksiya qüvvələri briqadaları və müxtəlif hərbi birləşmələr yaradılıb”, – deyə DSX rəisi vurğulayıb.