İran “Mohajer-10” pilotsuz uçuş aparatını (PUA) ölkə xaricində ilk dəfə Rusiyanın Moskva şəhərində keçirilən “Army-2024” sərgisində nümayiş etdirir.
“Poliqon” IRNA-ya istinadən xəbər verir ki, sərgidə “Mohajer-10”dan əlavə, İran müdafiə sənayesinin istehsal etdiyi hava hücumundan müdafiə sistemləri, raketlər, radarlar, elektron döyüş vasitləri, PUA-lar və digər silah sistemləri də təqdim olunur.
“Mohajer-10” pilotsuz uçuş aparatı 7000 metr yüksəklikdə 2000 kilometr məsafəyə uça bilir və 24 saat uçuş imkanına malikdir. Yerli mütəxəssislər tərəfindən istehsal edilən “Mohajer-10” PUA-nın 450 litr yanacaq daşımaq qabiliyyəti var. PUA-nın maksimum yük çəkisi 300 kiloqramdır.
Maksimum sürəti saatda 210 kilometr olan “Mohajer-10” pilotsuz uçuş aparatı “Qaem”, “Almas” və “Dastvareh” aviasiya bombaları daxil olmaqla, yüksək dəqiqliyə malik müxtəlif ağıllı bombalar, habelə elektron döyüş avadanlıqları və kəşfiyyat sistemləri ilə təchiz edilib.
