IRIS-T raketləri “Aegis” silah sisteminə inteqrasiya olunacaq
ABŞ-ın “Lockheed Martin” və Almaniyanın “Diehl Defence” şirkətləri inteqrasiya olunmuş hava və raketdən müdafiə (IAMD) imkanlarının genişləndirilməsini araşdırmaq üçün Anlaşma Memorandumu imzalayıblar.
Bu barədə “Poliqon” “Lockheed Martin” şirkətinə istinadən xəbər verib.
Bildirilib ki, bu əməkdaşlıq IRIS-T ailəsinin “Aegis” silah sisteminə, o cümlədən MK41 və MK70 şaquli buraxılış sistemlərinə inteqrasiyasını araşdıraraq, yüksək səviyyəli IAMD imkanlarının əldə olunmasına imkan verəcək.
Qeyd edilib ki, IRIS-T ailəsinin “Aegis” sisteminə inteqrasiyası ilə Avropa istehsalı bir raket ilk dəfə bu döyüş sisteminə inteqrasiya edilmiş olacaq.
