KUB süzən sursatlarının ilk partiyası müştəriyə çatdırılıb

“Kalaşnikov” konserni dövlət müdafiə sifarişi çərçivəsində istehsal edilmiş KUB süzən sursatlarını Rusiya Silahlı Qüvvələrinə təhvil verib.

“Poliqon” “Kalaşnikov”a istinadən xəbər verir ki, bu, KUB-ların 2025-ci il üzrə çatdırılan ilk partiyasıdır.

KUB süzən sursatı düşmənin taktiki dərinliyində tək və ya qrup halda yerləşən zirehli texnikasını məhv etmək üçün nəzərdə tutulub. Gecə-gündüz və küləyin sürəti 10 m/s-ə qədər olan vaxtlarda istifadə edilə bilən süzən sursatın idarəetmə sistemi real vaxt rejimində komandaların ötürülməsinə imkan verir.

Hazırda Rusiya hərbçiləri xüsusi hərbi əməliyyat zonasında KUB-lardan aktiv şəkildə istifadə edir.

Xatırladaq ki, “Kalaşnikov” konserni bu il KUB süzən sursatlarının istehsalını əhəmiyyətli dərəcədə artıracaq.