Prezident İlham Əliyev 2025-ci ilin dövlət büdcəsini təsdiqləyib

Azərbaycan Prezident İlham Əliyev “2025-ci il dövlət büdcəsi haqqında” qanunu təsdiqləyib.

“Poliqon” xəbər verir ki, qanuna əsasən, Azərbaycan Respublikasının 2025-ci il dövlət büdcəsinin gəlirləri 38 milyard 356 milyon manat, xərcləri isə 41 milyard 407 milyon manat məbləğində təsdiq edilib.

Qeyd edək ki, 2025-ci il dövlət büdcəsində müdafiə və milli təhlükəsizlik xərcləri 8 396 297 596 manat təşkil edəcək.

Qanunda müdafiə və və milli təhlükəsizlik xərclərinin istiqamətləri aşağıdakı kimidir:

• müdafiə qüvvələri – 2 665 277 196
• milli təhlükəsizlik – 467 917 873
• sərhəd xidməti – 540 314 143
• müdafiə və milli təhlükəsizlik sahəsində tətbiqi tədqiqatlar – 5 359 711
• müdafiə və milli təhlükəsizlik sahəsinə aid edilən digər fəaliyyətlər – 4 717 428 673

Azərbaycan Respublikasının “2025-ci il dövlət büdcəsi haqqında” qanunu