Prezident İlham Əliyev: Biz öz torpaqlarımızı döyüşərək geri qaytardıq
Bilirsiniz ki, 30 il ərzində Azərbaycan Ermənistanla danışıqlarda iştirak edirdi, onlar da heç bir nəticə vermədi. Yalnız bizim hərbi gücümüz və Azərbaycan Ordusunun döyüş ruhu ərazi bütövlüyümüzü bərpa etdi.
“Poliqon” xəbər verir ki, bu barədə Azərbaycan Prezidenti İlham Əliyev iyunun 15-də Pakistanın Baş naziri Məhəmməd Şahbaz Şərif ilə mətbuata bəyanatında bildirib.
Dövlət başçısı vurğulayıb ki, Azərbaycanın ərazi bütövlüyünün bərpası danışıqlar və ya hər hansı vasitəçilik hesabına baş verməyib: “Əksinə, həmin vasitəçilik səyləri vəziyyətin dondurulmasına gətirib çıxarmışdı. Biz bununla razı olmadıq, biz ərazi bütövlüyümüzü bərpa etdik, torpaqlarımızı döyüşərək aldıq”.
CATEGORIES Xəbərlər