Rusiya Ermənistandakı bazasına yeni texnikalar yerləşdirib

Rusiya Ermənistandakı hərbi kontingentinin silahlanmasına yeni texnikalar daxil edib.

Bu barədə “AzeriDefence” Rusiyanın Müdafiə Nazirliyinə istinadən məlumat verib.

Cari il ərzində Gümrüdə yerləşən 102-ci bazanın inventarına KamAZ avtomobillərinin bazasında yerləşdirilmiş “Auriqa-1.2V” və R-149-L1 rabitə kompleksləri verilib.

Bundan başqa, bazanın inventarına son 7-8 ay ərzində 100-dən artıq KamAZ “Mustanq”, habelə yeni “Ural” avtomobili daxil olub.