Rusiya Ordusu 82 və 120 mm-lik böyük minaatan partiyası əldə edib
“Uralvagonzavod” (UVZ) konserninin tərkibinə daxil olan “Burevestnik” Mərkəzi Elmi-Tədqiqat İnstitutu Rusiya Ordusuna 82 və 120 mm-lik böyük minaatan partiyasını təhvil verib.
“Poliqon” xəbər verir ki, bununla bağlı “Uralvagonzavod” konserni məlumat yayıb.
Məlumatda bildirilib ki, 82 mm çaplı 2B24 və 120 mm çaplı 2B11 minaatanlarının ehtiyyat hissə və təmir dəstləri ilə birlikdə Rusiya Ordusuna çatdırılması prosesi nəzərdə tutulan müddətdən əvvəl həyata keçirilib. Bundan başqa 120 mm-lik 2S12 minaatan sistemləri də konsern tərəfindən əsaslı təmir olunub.
2B24 və 2B11 minaatlarının sadə dizayna malik olması onların əməliyyat ərazisində daha tez yığılmasına və sökülməsinə şərait yaradır ki, bu da istifadəçini döyüş meydanında yüksək manevr qabiliyyəti ilə təmin edir.
Eyni zamanda minaatanlar yüksək atəş sürəti və dəqiqliyi sayəsində personala imkan verir ki, qarşıya qoyulan tapşırıq effektiv şəkildə yerinə yetirilsin.