Türkiyə müdafiə sənayesinin cari ilin fevral ayı üçün ixracat rəqəmləri açıqlanıb

Türkiyə İxrcatçılar Məclisi (TİM) müdafiə və aviasiya sənayesi sektorunun 2024-cü ilin fevral ayında ixrac etdiyi məhsulların dəyərini açıqlayıb.

“Poliqon” TİM-ə istinadən xəbər verir ki, Türkiyənin müdafiə və aviasiya sənayesi şirkətləri cari ilin fevralında 302.5 milyon ABŞ dolları dəyərində məhsul ixrac edib.

Ötən ilin eyni dövrü ilə müqayisədə (2023-ci il fevral – 287.1 milyon ABŞ dolları) 2024-cü ilin fevralında ixrac olunan məhsulların dəyəri artıb.

Cari ilin ilk iki ayı ərzində Türkiyənin müdafiə və aviasiya sənayesi sektoru tərəfindən 632.7 milyon ABŞ dolları dəyərində məhsul ixrac edilib.