“Ukroboronprom” cari ildə 36 ölkə ilə ixrac müqaviləsi bağlayıb
Ukraynanın “Ukroboronprom” Dövlət Konserninin xüsusi ixracatçı şirkətləri – “Spetstechnoexport”, “Ukrspetsexport”, “Ukrinmash”, “Proqres” və “Ukroboronservice” 2020-ci ilin birinci yarısında 36 ölkə ilə ümumi dəyəri 142 milyon dollar olan 140-a yaxın ixrac müqaviləsi bağlayıb.
Bu barədə Azeri Defence saytı “Ukroboronprom” Dövlət Konserninin mətbuat xidmətinə istinadən məlumat verib.
İlin birinci yarısında “Ukroboronprom”un xüsusi ixracatçı müəssisələrinin xarici ölkələrə ixrac etdiyi silah-sursat və hərbi texnikanın ümumi həcmi təqribən 145 milyon ABŞ dolları təşkil edib. Habelə cari ildə ixrac-idxal müqavilələrinin ümumui dəyəri 154 milyon ABŞ dolları civarındadır.
Ukrayna hərbi məhsullarının əsas idxalçı ölkələri sırasında ilk 10 ölkə Çin, Türkiyə, Pakistan, Hindistan, İordaniya, Vyetnam, Azərbaycan, Əlcəzair, Mərakeş, Efiopiyadır.
